L.N.Gýmılev atyndaǵy Eýrazııa ulttyq ýnıversıtetiniń stýdentteri birinshi bolyp joǵary shákirtaqy aldy. Bul týraly joǵary oqý ornynyń baspasóz qyzmeti habarlady.
Qazaqstan Prezıdenti Qasym-Jomart Toqaev Jastar jylynyń jabylý saltanatynda 2020 jyldyń qańtar aıynan bastap stýdentterge, magıstranttarǵa jáne doktoranttarǵa shákirtaqynyń 25% -ǵa artatynyn jarııalaǵan bolatyn.
Ýnıversıtettiń 14 677 stýdenti jańa joǵarylatylǵan tólemderdi birinshi bolyp aldy (sáıkesinshe, bakalavrıatta oqıtyn stýdentter sany - 10 275, magıstratýra - 2795, doktorantýra - 997).
Bakalavrıat stýdentterine arnalǵan shákirtaqy 20 949 teńgeden 26 186 teńgege, magıstrlik baǵdarlamalar 53 530 teńgeden 66 913 teńgege, doktorantýra 81 998 teńgeden 102 498 teńgege deıin ósti.
Qazirgi kúni Eýrazııa ulttyq ýnıversıtetinde 20 myńdaı stýdent oqysa, olardyń 70 paıyzy memlekettik bilim granty ıegerleri.
Sondaı-aq, 2019 jyldyń qyrkúıek aıynan bastap professor-oqytýshylar quramynyń jalaqysy 50 paıyzdan joǵary, al ǵylymı kitaphana qyzmetkerleriniń jalaqysy 20%-ǵa kóterilgenin atap ótken jón.
Al ákimshilik jáne sala qyzmetkerleriniń jalaqysyn bıylǵy jyldyń 1 qańtarynan 20%-ǵa arttyrý kózdelýde.