Almatydaǵy Abaı dańǵylyn batysqa qaraı uzartý maqsatynda turǵyn úılerdi súrý jumystarynyń belsendi kezeńi bastaldy. Qazirgi ýaqytta «Qalqaman» yqsham aýdanyndaǵy Arman kóshesinde qurylys jumystary júrgizilip jatyr. Bolashaqta Abaı dańǵyly dál osy kóshemen jalǵasatyn bolady.
Sonymen birge shahardaǵy Áshimov kóshesinde de jolaıryqtyń qurylysy qyzý qolǵa alyndy. Jumystar bastalǵannan beri ondaǵan jeke úı súrilgen.
Este bolsa, buǵan deıin Abaı dańǵylyn uzartý úshin Naýryzbaı aýdanyndaǵy 250-den astam jer ýchaskesi satyp alynady dep habarlanǵan bolatyn. Joba boıynsha atalǵan qurylys nysany bıyldyń jeltoqsan aıynda aıaqtalady dep josparlanýda. Mamandardyń sózinshe, bul belgilengen merzim sozylýy múmkin. Almatyda Abaı dańǵylyn uzartý jumystary 2015 jyly bastalǵan bolatyn. Onyń jalpy uzyndyǵy 4,7 shaqyrymdy quraıdy.