Almaty qalasynyń ákimdigi Ybyraı Altynsarın eskertkishiniń eń úzdik jobasyn jasaǵandarǵa respýblıkalyq ashyq baıqaý jarııalady.
Ult aǵartýshysynyń esimin máńgi este qaldyrý maqsatynda ornatylatyn eskertkishte týyndygerlerge qoıylatyn basty talap tulǵanyń tarıhı beınesin ashý, músindik-kórkemdik sheshim tabý.
«Kórkemdik beınelilik tulǵanyń shynaıy bet beınesimen uqsastyǵyn, jańa qurylys sulbasynyń kólemi men formasynyń, deneniń jeke músheleri, kıim bólshekteriniń, zattarynyń úılesimdiligin qamtıdy», deıdi uıymdastyrýshylar.
Konkýrsqa qatysý úshin ótinishter 2020 jyldyń 10 aqpany men 15 naýryz aralyǵynda qabyldanady. Qosymsha aqparatty Almaty qalasynyń Mádenıet basqarmasynan alýǵa bolady. Meken jaıy: Almaty qalasy, Respýblıka alańy, 4. Baılanys telefony: 8(727)272-11-09, 272-58-83