Almaty qalasynyń ákimi Baqytjan Saǵyntaev megapolıs turǵyndarymen ótken eseptik kezdesýde gazdandyrý jumystary boıynsha atqarylyp jatqan jumystar týraly habarlady.
Sondaı-aq birqatar aýdandardaǵy turǵyndardyń úılerin gazben qamtý týraly suraqtaryna jaýap berdi. Ákim ásirese Túrksib aýdanynda ótken kezdesýde turǵyndardyń gaz qubyrynyń joqtyǵyna shaǵymdanǵanyn atap ótti. Alataý aýdany boıynsha magıstraldi jeliler joq. Al magıstraldi jelilerdi júrgizý aıaqtalsa, burý jelileriniń tapshylyǵy sebebinen gazǵa qosylý múmkindigi bolmaı tur. Gazdandyrý úrdisi ekologııa jáne aýa tazalyǵy úshin de mańyzdy. Sondyqtan qala ákimdigi jumystyń osy baǵytyna qarqyn berýde.
Qala ákiminiń aıtýynsha, 2019 jyldyń ekinshi jartyjyldyǵynda 3000-nan astam jeke úı gazdandyryldy. Qala aýdandarynda halyqtyń áleýmettik osal toptaryn gaz jelilerine qosý – qala úshin erekshe másele. Alataý jáne Naýryzbaı aýdandaryndaǵy 210 úıdiń 62 úıin gaz júıesine qosý jumysy qaldy. Eki aýdanda da merdiger kompanııalarmen kelisim-shart jasalǵan. Jumystardy 2020 jyldyń 1 sáýirine deıin aıaqtaý josparlanǵan.
Sonymen qatar qala ákimdigi Halyq Bankimen birlesip megapolıs turǵyndarynyń gazben jylytý jáne úı ishilik jabdyqtarǵa qosylýy úshin 0%-ben nesıe berý múmkindigi týraly kelisimge qol jetkizdi. Qazirgi ýaqytta nesıe berý merzimi qarastyrylýda. Sondaı-aq Halyq bankiniń az qamtylǵan azamattardy gazǵa jáne gazben jylytý úshin úı ishilik jabdyqtarǵa óteýsiz negizde sýbsıdııalaýy máselesi qarastyryldy.
B.Saǵyntaev prosentsiz nesıe adamdarǵa gazǵa qosylýǵa qarajat alýǵa múmkindik beretinin atap ótti. О́simpulsyz nesıeni 1jylǵa rásimdeýge bolady.
Jalpy, qala boıynsha jeke sektordaǵy 2912 úı gazdandyrylmaǵan kúıinde qalyp otyr. Onyń ishinde 1791 úı jelige qol jetkize alsa, 1121 úıdiń qosylý múmkindigi joq. Jetkizýshilermen birge qalǵan 1121 úıge syrtqy jelilerdi júrgizý boıynsha jumystar júrgizilýde.
Naýryzbaı aýdany turǵyndarynyń suraǵyna jaýap bere otyryp, qala ákimi B. Saǵyntaev naqty tapsyrmalar berdi. Atap aıtqanda, Naýryzbaı aýdanynyń ákimi esep berý kezdesýiniń qorytyndysy boıynsha aýdan, ásirese yqsham aýdandardy aralap shyǵý tapsyryldy. Ásirese, bul «Shuǵyla» yqsham aýdanyna qatysty.