Qala ákimi Baqytjan Saǵyntaevtyń megapolıs turǵyndarymen ótken eseptik kezdesýinde mekteptegi oryn tapshylyǵy máselesi keńinen aıtyldy. Ásirese bul problema Alataý aýdanyndaǵy «Rahat» yqshamaýdanyna tıesili. Ákimniń aıtýynsha, oqý jyly bastalǵanǵa deıin 2021 jyly MJÁ aıasynda 12 900 oryndy 8 mektep salý josparlanýda. Bul 8 mekteptiń bireýi «Rahat» yqshamaýdanynda ashylady. 2020 jyldyń ózinde oqý jylynyń basyna qaraı 1800 oryndy 2 mektep, qoldanystaǵy mektepterge 2017 oryndy 5 qosymsha qurylys salynatyn bolady.
Jalpy, Almaty – bul týý men kóshi-qon esebinen halyqtyń ósý qarqyny joǵary iri megapolıs ekenin atap ótken jón. Orta eseppen alǵanda oqýshylar sany jylyna 12 myń balaǵa artyp keledi.
2019 jyly 13 bilim berý nysany jáne 3174 orynǵa arnalǵan 162 jeke menshik mektep paıdalanýǵa berilgen. 2020 jyly 27 bilim berý nysanynyń qurylysy jalǵasýda.
Sondaı-aq memlekettik bilim berý tapsyrysyn ońtaılandyrýǵa jeke bıznes te belsendi atsalysýda. 2020-2022 jyly jeke ınvestısııalar esebinen 2240 oryndy 4 mektep, 8000 oryndy 300 balabaqsha ashý josparlanýda.
Osylaısha, bul sharalar eki aýysymda bilim beretin mektepterdegi tapshylyqty 30 myń orynǵa deıin azaıtýǵa, sondaı-aq 10 myń orynǵa arnalǵan balabaqsha kezegin azaıtýǵa múmkindik bermek.