Ýaqyt talabyna saı bilim alyp, eńbek etken ortasynyń senimine kirý úlken múmkindikter jolyn ashatyny naqty ómirde san márte dáleldengen. Bul rette Taldyqorǵan qalasynyń túbindegi О́tenaı aýylynyń turǵyny Rýstam Nızamov syndy azamatty kópke úlgi tutýǵa bolady. 2008 jyly qarjyger mamandyǵy boıynsha Taldyqorǵan gýmanıtarlyq-ekonomıkalyq kolledjine syrttaı oqýǵa túsip, atalǵan oqý ornyn 2010 jyly bitirgen soń, «An-Saıdka» jeke kásipornyna qatardaǵy esepshi bolyp jumysqa ornalasqanymen atalǵan ujymnyń áreketi qysqarǵandyqtan jumystan bosatylyp qalǵan edi
Ýaqyt talabyna saı bilim alyp, eńbek etken ortasynyń senimine kirý úlken múmkindikter jolyn ashatyny naqty ómirde san márte dáleldengen. Bul rette Taldyqorǵan qalasynyń túbindegi О́tenaı aýylynyń turǵyny Rýstam Nızamov syndy azamatty kópke úlgi tutýǵa bolady. 2008 jyly qarjyger mamandyǵy boıynsha Taldyqorǵan gýmanıtarlyq-ekonomıkalyq kolledjine syrttaı oqýǵa túsip, atalǵan oqý ornyn 2010 jyly bitirgen soń, «An-Saıdka» jeke kásipornyna qatardaǵy esepshi bolyp jumysqa ornalasqanymen atalǵan ujymnyń áreketi qysqarǵandyqtan jumystan bosatylyp qalǵan edi. Birden Taldyqorǵan qalalyq jumyspen qamtý ortalyǵyna baryp tirkelisimen, 2012 jyldyń aqpanynda «Beta-AS» jaýapkershiligi shekteýli seriktestigine eńbekaqyny sýbsıdııalaý jónindegi esepshi qyzmeti usynyldy.
«Jumyspen qamtý-2020» memlekettik baǵdarlamasy baǵymdy ashty. Múmkindikti jiberip almas úshin ári ana sútimen sińgen minezimmen aldyma bilimimdi ushtaý, áriptesterimniń senimine kirý maqsatyn qoıdym. Shynymdy aıtsam, ár qadamyma qýanyp otyratyn anam qalalyq ıá bolmasa jeke adamnyń menshigindegi basylym emes, el gazeti «Egemenniń» nazaryna ilingenime tipti, marqaıatyn boldy. Dál qazir anama telefon soǵyp qýantamyn», dedi búginde «STAM MELEZEMS» nemis kompanııasynda eńbek etetin Rýstam Nızamov.
Oblys ortalyǵyna tıip turǵan aýylda jeke menshik turǵyn úıinde joldasy ekeýi 4 aılyq sábıin ósirip, jumys ornyna da, arasynda tapsyrys berýshi mekemelerge de qoǵamdyq kólikpen qatynasyp, eń bastysy, aıtqan ýaqytynan keshikpeı jetip júrgen azamatqa áriptesteri razy. El senimine kirgendigi sol esep-qısap jumysy boıynsha tapsyrys berýshiler sany artýda. Zaman talabyna saı kompıýter tilin de jaqsy ıgerip, jańa baǵdarlamalardy tez meńgeretindigi sonyń bir dáleli bolyp sanalady. Eń bastysy, el senimine kirdi. Búginde aılyq jalaqysy ortasha alǵanda 45 myń teńge. Tabys kózin ashatyn turaqty jumys orny bar ári qosymsha tapsyrys ta qabyldap qarajat tabýda. Sóıtip, memlekettik baǵdarlama arqyly úlken múmkindikterge jol asha bilgeni aýyldastaryna úlgi ári ana maqtanyshy boldy.
Nurbol ÁLDIBAEV,
«Egemen Qazaqstan».
TALDYQORǴAN.