Álemdik tájirıbe qantógis pen revolıýsııa eshbir memleketke bereke ákelmeıtinin áldeqashan dáleldedi. Barlyq jaǵdaıdy beıbit jolmen, mámilemen sheshý eń durys jol. Degenmen mıtıngiler men beıbit sherýler ótkizý isi álem elderinde zańmen bekitilgeni qalypty jaǵdaı. Buǵan qatysty zańymyzdyń júıelenip, bir izge túskeni durys bolady dep esepteımin.
Jańalyǵy kóp jańa tujyrym azamattarmen bılik arasyndaǵy baılanysty nyǵaıtyp, eshkimniń quqyǵyn shektemeıtin tártip ornatady degen senim zor. Taǵy bir eskerer jaǵdaı, mıtıngilerdi tek Úkimetke qarsy baǵyttalǵan shara dep qabyldaý qate uǵym.
Zań jobasynyń mańyzdy tarmaǵynyń biri – beıbit jınalystar men basqa da buqaralyq is-sharalardyń aıyrmashylyǵyn ashyp kórsetý. Azamattar kez kelgen jaǵdaıda beıbit jolmen óz pikirlerin bildirýge quqyly. Buǵan deıin úlken-kishi pıketterge deıin barlyǵy bir baǵytta sıpattalyp keldi. Al adam sany, beıbit sherýlerdiń naqty tártibi belgilengennen keıin jaǵdaı basqasha bolmaq. Eń bastysy kelisim men mádenıet birinshi orynda turýǵa tıis. Memlekettiń turaqtylyǵy bárinen de mańyzdy.
Ashat ASYLBEKOV,
qoǵam belsendisi, sarapshy