Semeı Jobalyq Keńsesinde ólketanýshy, shejireshi Klım Tólemisulymen «О́negeli tulǵa» taqyrybynda kezdesý ótti. M.Qozybaev atyndaǵy ǵylymı-zertteý ortalyǵymen birlesken mazmundy shara «Rýhanı jańǵyrý» baǵdarlamasy aıasynda júzege asyryldy.
82 jastaǵy ólketanýshy bar ǵumyryn Semeıge qarasty Shubartaý óńiriniń tanymal tulǵalary men tarıhyn zertteýge arnaǵan. О́lke tarıhynan syr shertetin zamana derekteri - asa qundy taptyrmas qujattar qoryna jatady.
Zertteý jumystary óńirdegi arhıv qorlaryn qarastyrýmen shektelmegen. Mońǵolııa, Qytaı memleketterinde bolyp, sol elderdegi qazaq dıasporasymen tyǵyz qarym-qatynas ornatyp, turmys-tirshiligi, mádenıeti týraly ásirese, kereı rýyna qatysty qoryn qyzyqty qujattarmen tolyqtyra túsken. Klım Tólemisulynyń jazǵan, jınaǵan derekteri tarıhtyń qundy qujattary. Qujattar búgin úshin de, keleshek úshin qyzmet eteri sózsiz.