Ertis aýdany ákimdiginiń málimetinshe, bıyl aýdanda turatyn 13 myń turǵyndy ortalyqtandyrylǵan qubyrdan jetkiziletin sýmen qamtamasyz etý úshin jumystar jasalýda.
Keler jyly Amangeldi, Maıqońyr, Qoskól,Aǵashoryn aýyldarynda ortalyqtyrylǵan sý jelilerin paıdalanýǵa berý josparlanýda.
Qazirgi kezde aýdan boıynsha sý qubyrlarynyń jalpy uzyndyǵy 236,4 shaqyrymǵa jetken. О́tken jyly 203,2 mıllıon teńgege Úlgili, Qaraǵash jáne Yntymaq aýyldarynda sý jelileriniń qurylysy aıaqtaldy.
Al, Belovod sý jelileri boıynsha jetkiziletin sýdyń tarıfterine kelsek, toptyq sý jelisi arqyly beriletin sý memleket tarapynan sýbsıdııalanbaq.
- Respýblıkalyq bıýdjettik komıssııa bul máseleni qarastyrýda. Belovod sý jelisi monopolıster reestrine engizilýi múmkin. Ondaı jaǵdaıda sýdyń bir tekshe metriniń baǵasy 300 teńgeden tómen túsedi.
Alyp sý jelisi qurylysy uzaqqa sozyldy. Osydan 3 jyl buryn aqyry iske qosylyp, 13 aýylǵa sý beriletin bolǵan-dy.
Biraq, sýbsıdııalanatyn nysandar qataryna engizilmegendikten, sýdyń baǵasy qymbat.
Sóıtip, 8 aýyl sýdy tutynýdan bas tartty. Aýdan ákimdigi eski stansany qosýǵa májbúr boldy.
Qalǵan aýyldar sýdy Ertis ózeninen tasyp ishýde.
- Sýbsıdııalaý máselesi kúrdeli másele. Buǵan qatysty jobany respýblıkalyq bıýdjettik komıssııa maquldasa, aýdan turǵyndary úshin sýdyń tekshe metri 100-110 teńge bolmaq.
Bul másele-óńirdegi Maı aýdanyndaǵy toptyq sý qubyrlaryn da sýbsıdııalanatyn nysandar tizimine engizý jumystary úshin de qajet.
Pavlodar oblysy
Ertis aýdany