Qazaqstandaǵy Lıtvanyń Tótenshe jáne О́kiletti Elshisi Vasıýlıs Gıntaýtas bastaǵan quramynda lıtvalyq qalalardyń merleri jáne isker adamdar bar delegasııa Almatyǵa bıznes-forýmǵa qatysýǵa keldi.
Kezdesý barysynda ekonomıka, mádenıet jáne týrızm salalarynda ózara paıdaly yntymaqtastyq perspektıvalaryn keńeıtý máseleleri qaraldy. Qazirgi kezde Almatyda saýda, logıstıka, aýyl sharýashylyǵy ónimderin óńdeý salalarynda lıtvalyq kapıtalmen 94 kásiporyn jumys jasaýda. О́tken jyldyń qorytyndysy boıynsha Almaty men Lıtva arasyndaǵy taýar aınalymy 40 mln dollardy qurady.
«Bizdi lıtvalyq qalalardyń Smart City arqyly qala sharýashylyǵyn basqarýda ınnovasııalyq jobalardy júzege asyrý jónindegi tájirıbesi qyzyqtyrady. Búgingi kúni Almatyda TÚKSh, kólik, densaýlyq saqtaý, bilim men qoǵamdyq qaýipsizdikti qamtamasyz etý júıelerin sıfrlandyrý boıynsha jumystar qarqyndy júrýde. Bıznes-forýmda bizdiń kásipkerler birikken jobalardy júzege asyrý perspektıvalaryn talqylaıtyn bolady. Mundaı kezdesýlerdiń ózara paıdaly yntymaqtastyqty odan ári damytýǵa jańa serpin beretinine senimdimin», - dedi lıtvalyq delegasııaǵa arnaǵan sózinde Almaty ákimi Baqytjan Saǵyntaev.
Ýkmerge, Kedaınıaı, Zarasaı, Bırjaı, Kaıshıadorıs, Rokıshkıs, Elektrenaı, Majeıkıaı syndy qalalar men aýdandardyń jáne Kaýnas aýdanynyń merleri men ókilderi óz qalalarynyń erekshelikteri men múmkindikteri týraly aıtyp berdi.
Bulardan ózge, Lıtva saýda- ónerkásip palatasynyń ókilderi EO talaptaryna saı joǵary tehnologııalyq jobalardy júzege asyrý jáne ónim shyǵarý boıynsha tájirıbe almasýǵa daıyn ekendikterin bildirdi. Sonymen qatar, lıtvalyq delegasııa ókilderi Almaty bıznesin óz elderiniń logıstıkalyq jáne eksporttyq áleýetin paıdalanýǵa shaqyrdy.