Aýa raıynyń buzylýyna baılanysty 7 naýryzda birneshe óńirde eskertý jarııalandy. Bul týraly «Qazgıdromet» RMK habarlady.
7 naýryzda Qostanaı oblysynyń keı jerlerinde tuman túsedi. Ońtústik-batystan soqqan jeldiń kúshi túnde keı jerlerde 15-20, kúndiz basym bóliginde 15-20, keı jerlerde 23-28 m/s bolady. Qostanaı qalasynda kúndiz ońtústik-batystan jel soǵyp, jyldamdyǵy sekýndyna 15-20 metrge jetedi. Boljamnyń yqtımaldylyǵy 90-95 %.
Qyzylorda oblysynyń keı jerlerinde shańdy daýyl kóteriledi. Jel soltústik-shyǵystan soǵady, jyldamdyǵy keı jerlerde sekýndyna 15-20 m/s-ge jetedi. Qyzylorda qalasynda 7 naýryzda kúndiz shańdy daýyl kóterilip, soltústik-shyǵystan soqqan jeldiń ekpini 15-20 m/s bolady. Boljamnyń dáldigi 95-100%.
7-8 naýryzdaTúrkistan oblysynyń keı jerlerinde soltústik-shyǵystan soqqan jeldiń kúshi 15-20, ekpini 23-28 m/s-qa jetedi. Túrkistan qalasynda 7-8 naýryzda soltústik-shyǵystan 15-20 m/s jyldamdyqpen jel soǵyp, ekpini 25 m/s-qa jetedi. Shymkent qalasynda 7-8 naýryzda soltústik-shyǵystan ekpini 15-20 m/s jel soǵady.