Bıatlonnan Olımpııa oıyndarynyń bes dúrkin jeńimpazy, fransııalyq sportshy Marten Fýrkad Fınlıandııanyń Kontıolahtı qalasynda máresine jetken Álem kýbogynyń 8-kezeńinen keıin sporttyq karerasyn aıaqtaǵanyn málimdedi.
Bıatlon sportynda norvegııalyq Ýle Eınar Borndalennen keıingi orynda turatyn fransııalyq ańyz sportshy sońǵy 10 jylda 83 jeke jarysta top jarǵan. Al jalpy 150 ret Álem kýbogynda tuǵyrdyń eń bıik satysynan kóringen. Sonymen qatar Fýrkad Olımpııa oıyndarynda 5 ret jeńiske jetip, eki ret kúmis júlde ıelengen. 2018 jyly Ońtústik Koreıada ótken tórt jyldyqtyń basty dodasynda ol iz kesý, mass-start jáne aralas estafetada aldyna jan salmaı, qatarynan úsh ret altyn medal oljalaǵan-dy. Budan bólek, Marten Fýrkad Úlken hrýstal globýstyń 7, álem chempıonatynyń 13 dúrkin ıegeri.