Almaty qalasynda koronavırýstyń aldyn alý maqsatynda tazalyq sharalary jalǵasyp jatyr. Budan bylaı qalada qoqys jáshikteri jappaı dezınfeksııadan ótedi. Osy ýaqytqa deıin shahardyń Jetisý, Alataý jáne Medeý aýdandaryndaǵy qatqyl turmystyq qaldyqtardy tasıtyn oryndar arnaıy qospamen shaıyldy.
«Biz qoldan kelgenshe tazalyq jumystaryn jıi júrgizetin bolamyz. О́ıtkeni tazalyq qazir óte mańyzdy. Kórsetken qyzmetimiz minsiz bolýy úshin jumys isteý kestesin ózgerttik. Burynǵy kesteni qaıta qarap, dezınfeksııaǵa kóp kóńil bóletin bolamyz», deıdi qoqys tasıtyn kompanııanyń dırektory Olesıa Hasanova.
Qalanyń qalǵan bes aýdanynda da bul jumystar júıeli jalǵasatyn bolady. Qoqys tasýmen aınalysatyn kompanııalarda jumys kestesi qaıta qaralyp, deratızasııa men dezınfeksııaǵa kóbirek ýaqyt bólingen.