Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova vırýstyń taralmaýy úshin jasalyp jatqan sharalarǵa toqtaldy.
«Trotýarlar, aıaldamalar, naryqtyq alańdarda dezınfeksııalyq rejımdi kúsheıtý jáne qoldy zararsyzdandyrýǵa jaǵdaı jasaý boıynsha jumystar júrgizilýde. Sondaı-aq barlyq medısınalyq nysandarda karantındik rejım, maskalar taǵylady. Koronavırýstyq ınfeksııamen rastalǵan nemese JRVI nemese pnevmonııa klınıkasy bar emdelýshilerge medısınalyq kómek kórsetý úshin keńeıtilgen tósekterdiń kólemi jetkilikti. Qajet bolǵan jaǵdaıda biz qosymsha tósek oryn jáne stasıonarlardy keńeıtýge daıynbyz. Koronavırýstyq ınfeksııa jaǵdaılary anyqtalǵan kezde birqatar belgili bir is-sharalar ótkiziledi. Azamatpen birge turatyn barlyq otbasy múshelerin, sondaı-aq onymen jumys boıynsha jaqyn qarym-qatynasta bolǵan adamdar aýrýhanaǵa jatqyzylyp, qatań túrde oqshaýlanady», dedi S. Qısyqova.