Almaty oblysynda jalpyulttyq «Biz birgemiz!» aksııasy aıasynda qaıyrymdylyq sharalary jalǵasyp jatyr. Qazir qoǵamdyq uıymdar men yntaly top óńirdegi kómekke zárý adamdar men muqtaj otbasylardy anyqtap, qajetti azyq-túlik, dári-dármek jáne basqa da turmystyq kerk-jaraqpen tegin qamtýdy uıymdastyrýda.
Aımaqta qaıyrym jasaý isine alǵashqy lekte «Qyzyl Aı» qoǵamy ún qosty. Belsendi top Taldyqorǵan qalasynda turatyn kópbalaly otbasylar men kómekke muqtaj zeınetkerlerge, jumyssyz qalǵan adamdarǵa azyq-túlik taratýǵa kiristi. «Qyzyl Aı» uıymynyń belsendileri jınaqtap, turǵyndarǵa usynǵan azyq-túlik árbir azyq-túlik qapshyǵynyń quny 8-10 myń teńge shamasynda eken. Sonymen birge uıym qyzmetkerleri óz qoldarymen tátti, dámdi taǵam túrlerin pisirip, ony da tizimdegi áýletterge tabys etip jatyr.
- Bizdiń uıymnyń áýelgi maqsatynyń ózi qıyndyqta qalyp, kómeke muqtaj bolǵan adamdarǵa járdemdesý ǵoı. Pandermııa taraa bastaǵan kúnnen beri «Qyzyl Aı» eriktileri de kúsheıtilgen jumys rejımine kóshti. Qazir barlyq óńirde muqtaj jandardyń tizimi jasalyp, uıym tarapynan azyq-túlik taratý, aqyl-keńes berý isi qolǵaalynǵan. Biz de Taldyqorǵan qlasy ákimdigimen birlesip kópbalaly otbasylar men jalǵyzbasty adamdarǵa kómek berýge kiristik. Shara barysynda juqpaly indettiń qaýipi jaıly túsindirme júrgizip, karantın kezindegi saqtyq erejesin úıretip jatyrmyz, - deıdi «Qyzyl aı» qoǵamynyń Almaty oblysyndaǵy ókili Álııa Qorabaeva.
Almaty oblysy