Qazirgi kúnderi Brazılııada ótip jatqan dzıýdodan álem chempıonatynda 66 kıloǵa deıingi salmaqtaǵy Azamat Muqanov ekinshi nátıje kórsetti. Bul týraly Sport.kz habarlady.
Týrnırdi óte qarqyndy bastaǵan Azamat irikteý beldesýinde reseılik Alım Gadanovty, sıngapýrlyq Joel Sengti, brıtanııalyq Kolın Oatesti jáne japon Masaakı Fýkýokıdi tize búktirdi. Al jartylaı fınalda ýkraınalyq Georgıı Zanatarııadan basym tústi. Biraq fınalda taǵy japonǵa qarsy shyqqan bizdiń baǵlannyń joly bolmady. Ol Masası Ebınýmadan aılasyn asyra almady.
Bul qazaqstandyqtardyń osy chempıonatta qol jetkizgen birinshi medali bolyp otyr. Buǵan deıin bizdiń jigitterden Eldos Smetov pen Ashat Telmanov jetinshi orynǵa turaqtaǵan edi.
Damır Qojamqul.