Bizdiń qazaq bılikqumar. Átteń, shen-shekpen shekteýli. Áıtpese bárimizdiń bastyq bolǵymyz bar. Osymyz endi orynsyz. Aqyldy azamattar atqa minse, armanyń ne?!
О́sip jatqandardyń kóbi – ólermender. О́ıtkeni olardyń óresi tar bolǵanymen órisi keń keledi. Kóktegi kúnge shylym tutatqandaı kúıdegi kókeleriniń kómegimen mánsaptyń maıly jiligin ustaıdy. Qabilet kemdigine qaramaıdy. Sodan eldi sorlatady. Keýdesine kisilik qonbaǵan keshegi Ultanq uldyń urda-jyq urpaqtary tizgin ustaǵan soń, tirligimiz qaıdan ońsyn?
Atam qazaq álin bilmegen álekterge álimsaqtan sóz arnaǵan. Eń aldymen, eskertken: «Qolyń kótermes shoqpardy belińe baılama».
Shamany bilýge shaqyrǵan: «Kórpeńe qaraı kósil».
Keıde qatty ketken: «Kókqarǵa k...e qaramaı áýlıe aǵashtyń basyna qonady».
Jetemizge báribir jetpepti.
Qulash jetpesti qushaqtaýǵa áli qumarmyz.
Keıbir sheneýnikter shekten shyqty. Taq talasynda eshteńeden taıynbaıdy. Jemqorlyq, paraqorlyq, rýshyldyq, jikshildik, korrýpsııa deısiń be, jalǵannyń jaryǵyndaǵy jaǵymsyz qubylystardyń barlyǵy jaıly oryndarda otyrǵan jýan dúmdi myrzalardyń aınymas serigine aınalady. Obal baryn oılamaıdy. Jeke bastyń paıdasy úshin júgirgende, aldaryna jan salmaıdy. Qaraýyndaǵylardy qan qaqsatady.
- Meniń aǵam aıtpaqshy: Qarapaıym halyq júdep-jadap bitti, al aryqtaǵan bir ákim joq...
Ulyqtardan uıat ketken zaman boldy bul.
Ult upaıynyń ázirge túgendeletin túri joq.
Here?
Meniń de sony bilgim keledi...