Geptıl degenimiz – ý. Ol tirshilik bitkenniń bárine qater tóndiredi. Qazaq dalasyna qulaǵan «Proton-M» zymyran tasyǵyshynan 600 tonna janar-jaǵar maı «bult bolyp úıirilip, sońynda topyraqqa sińipti». Osy jóninde Reseı ǵarysh akademııasynyń sarapshysy Iýrıı Karash bylaı deıdi: «Protonnyń» qulaýyn jalǵyz aýyz sózben sýrettesek, óte qorqynyshty. Júzdegen tonna geptıldiń Qazaqstan aýmaǵyna qulaýyn osy elge jasalǵan hımııalyq shabýyl retinde qarastyrýǵa bolady». Bul týraly «Túrkistan» gazeti jazdy.
Geptılge anyqtama bergen reseılik hımııa ǵylymynyń doktory Lev Fedorovtyń málimdeýinshe,búırektiń geptılmen zaqymdanýy óte qaýipti. Naqty aıtqanda, ol birden anyqtalmaıtyn, uzaq ýaqyt boıy baıqatpaı asqynatyn dert. Sońy adamdy onkologııalyq dertke ákelip shaldyqtyrady eken.
Jaqynda kezekti «Protonnyń» taǵy da «Baıqońyrdan» ushýǵa daıyndalyp jatqanyn elimiz telearnasy súıinshi suraǵandaı habarlady. Kezinde orystyń ataqty ǵalymy Sergeı Korolev ǵaryshty ıgerý maqsatynda geptıldi paıdalanýǵa úzildi-kesildi tyıym salǵan kórinedi. Al áskerıler arasynda geptıldi «tek dushpandarǵa qarsy soǵysqa paıdalaný kerek» degen uǵym qalyptasqan...
Danııar Túımebaı.