«Reseı ǵalymdary COVID-19 vırýstan senimdi qorǵaıtyn úsh túrli vaksına jasady» dep habarlady «Stopkoronavırýs.rf» saıty.
Joǵarydaǵy jaǵymdy jańalyq jaıly RF ǴA vıse prezıdenti, akademııanyń Bıologııa jáne medısına bóliminiń meńgerýshisi Vladımır Chehonın RIA aqparat agentigine bergen suhbatynda, bul ispen áýeli Novosıbırsk oblysy aýmaǵynda ornalasqan «Vektor» vaksına jasaý ortalyǵy aınalysyp jatqanyn, mundaǵy ınnovasııalyq jańalyqty Lomonosov atyndaǵy Máskeý ýnıversıtetiniń ǵalymy, ataqty bıolog Mıhaıl Kırpıchnıkov basqaryp otyrǵanyn aıtypty.
Sonymen qatar, COVID-19-ǵa qarsy turatyn ekinshi dárini Shemıakın jáne Ovchınnıkov atyndaǵy Bıoorganıka hımııa zertteý ortalyǵynyń mamandary Aleksandr Gabıbovtyń jetekshiligimen zamanaýı tehnologııany paıdalanyp jasap jatyr eken.
Úshinshi topty vaksına jasaý mamany, tanymal professor Kozlov basqarýda kórinedi. «Bular jańa polıvalent vaksınasyn Vavılov atyndaǵy genetıkalyq zertteý ortalaǵynda jasap jatyr. Jalpy juqpaly indetti aýyzdyqtaý máselesinde reseılik mamandar barlyq kúsh jigerin jumyldyrýda» deıdi Reseı Ǵylym Akademııanyń vıse-prezıdenti.