Búgin tústen keıin Qyzylorda oblysynda koronavırýs indetin juqtyrǵan taǵy bir adam anyqtaldy. Oblystyq densaýlyq saqtaý basqarmasynyń basshysy Jaqsylyq Ábdisámetovtiń aıtýynsha 28 jastaǵy jigit aldynda vırýs juqtyrǵandarmen qarym-qatynasta bolǵandar qatarynda oqshaýlanǵan eken.
- Sońǵy derek te Jańaqorǵan aýdanynan tirkelip otyr,– dedi oblystyń bas dárigeri. – Ol aldynda dert juqtyrǵandarmen baılanysta bolǵan adam retinde tekserýge alynǵan. Qazirgi jaǵdaıy turaqty. Jalpy oblys boıynsha vırýs juqtyrǵandarmen qarym-qatynasta bolǵan 485 adam naqtylanǵan. Olardyń 133-i karantındik stansıonarda, 353-si úı jaǵdaıynda baqylaýǵa alynǵan.
Qazir ınfeksııanyń órshýine baılanysty oblystyq tótenshe jaǵdaı komıssııasynyń janynan jedel shtab qurylyp otyr. Táýlik boıyn jumys isteıtin shtabqa 40-01-00 telefony arqyly habarlasýǵa bolady.