Qyzylordada koronavırýs jaıly jalǵan aqparat taratqan taǵy da eki adam anyqtaldy. Bul týraly oblystyq polısııa departamentiniń baspasóz qyzmeti habarlaıdy.
Áýelide «Koronovırýs Bekbaýyldan shyǵypty, Aralǵa alyp kelip jatyr» degen habar taraıdy. Artynsha osyndaı taǵy bir aýdıojazbada indetke shaldyqqan adamnyń aýylda erkin júrgeni jaıly aıtylady.
WhatsApp jelisi arqyly jalpaq jurtqa tarap ketken osy eki aýdıojazbany teksergen polıseıler jalǵan aqparat taratqandar Aral men Jańaqorǵan aýdanynyń turǵyndary ekendigin anyqtady. Kúdiktiler óz áreketterin tolyq moıyndady.
Atalǵan derekter boıynsha QR Qylmystyq kodeksiniń 274-baby 4 bóligimen sotqa deıingi tergep-tekserý jumystary júrgizilip jatyr.