Almaty qalasy О́ńirlik kommýnıkasııalar qyzmetiniń alańynda shahardaǵy karantın jaǵdaıynda qoldanylatyn órt qaýipsizdigi men basqa da sharalardy qamtamasyz etý jóninde kezekti brıfıng ótti.
Almaty qalasy Tótenshe jaǵdaılar Departamenti bastyǵynyń orynbasary, azamattyq qorǵaý polkovnıgi Arman Baıgelov: «Almatylyqtardyń qaýipsizdigin qamtamasyz etý úshin Ishki ister mınıstriniń buıryǵymen 1525 qutqarýshy erekshe qyzmet atqarý rejımine aýystyryldy. Táýlik boıy jedel qoldanýǵa 118 birlik tehnıka men 355 qutqarýshy jáne órt sóndirýshi daıyn. Biz qala turǵyndaryn TJ rejıminen habardar etip, aqparattandyrý úshin kúnine 5 ret 510 teledıdar men 22 radıoarnanyń aqparat taratýyn úzip otyrmyz.
Qalada 24 karantındik aımaq bar, onda adamdar barlyq kireberisterimen shektelgen. PIK basshylary osyndaı páterlerdiń birinde órt shyqqan jaǵdaıda barlyq kireberistiń evakýasııalanatynyn túsingen jón. Olar úshin aldyn-ala basqa kireberisterdiń turǵyndarymen aralaspaıtyndaı aýladan oryn anyqtaý kerek. Biz sizge jáne PIK-terińizge birneshe jadynamalar ázirledik jáne olardy sizge Vatsap mesendjerimen baǵyttaımyz. Qarapaıym talaptardy muqııat oqyp, saqtaýyńyzdy suraımyz. Esińizde bolsyn – órtti sóndireýden góri eskertý ońaı», dedi.
Sonymen qatar TJD bastyǵynyń orynbasary qarapaıym qaýipsizdik erejelerin saqtaýdy suraı kele, tómendegi jáıtterdi barlyq kezde qaperde ustaý kerektigin eskertti:- eshqashan tósekte temeki tartpańyz. Esińizde bolsyn, temeki jáne alkogol – órt shyǵarýǵa sebepker belsendi zattar.- balkonda temeki tartpańyz, temeki tuqylyn tómen tastamańyz.- elektr symdarynyń durystyǵyn baqylańyz, elektr jelisine shamadan tys sym qospańyz, qoldan jasalǵan elektr aspaptaryn qoldanýǵa jol bermeńiz.- gaz jáne elektr quraldaryn qaraýsyz qaldyrmańyz.- balkondarǵa (lodjııalarǵa), sondaı-aq evakýasııalyq shyǵý joldary menbaspaldaqtarǵa jıhaz, úı -jabdyqtaryn jáne basqa da janǵysh materıaldardy úımeńiz.- balalardy qaraýsyz qaldyrmańyz, olardy órt kezindegi qoldanylatyn is-áreketterge úıretińiz.- as úıde nemese páterde gazdyń azdaǵan ıisi kezinde jaryq tutatpańyz, ashyq otty paıdalanbańyz – dereý bólmeni jeldetińiz, gaz kranyn jabyńyz jáne gaz qyzmetin nemese qutqarý qyzmetin shaqyryńyz.