Atyraý qalasynyń prokýrory Arshat Taıtýllınniń málimetinshe, karantın kezinde qoǵamdyq qaýipsizdikti, qala aýmaǵyndaǵy ýaqytsha shekteýler talabynyń saqtalýyn qamtamasyz etýge 674 qyzmetker jumyldy. Onyń ishinde ishki ister organdarynyń 500 qyzmetkeri, Ulttyq ulannyń 94 áskerı qyzmetshisi, Qorǵanys mınıstrliginiń 80 qyzmetkeri bar. Sondaı-aq bul shara úshin 68 avtokólik bólingen.
- Prokýratýra janynan qurylǵan mobıldik toptar qala aýmaǵynda tótenshe jaǵdaı rejımin buzý faktilerin anyqtaıtyn bolady. Osyǵan oraı halyqtyń densaýlyǵy men qaýipsizdigin qamtamasyz etý úshin turǵyndardy karantınniń barlyq talabyn saqtaýǵa shaqyramyz, - deıdi Atyraý qalasynyń prokýrory Arshat Taıtýllın.
Atyraý qalasynyń 4 baǵytyna qoıylǵan blok-bekettiń jumysyn úılestirýge ishki ister organdarynan – 48, Qorǵanys mınıstrliginen 56 qyzmetker qatysýda. Olar 12 arnaıy avtokólik paıdalanady.
Jumasat ǴAZIZ