Keshe túnde Qyzylordada taǵy 6 adamnyń COVID-19 ınfeksııasyn juqtyrǵany anyqtaldy. Oblys ákimdiginiń habarlaýynsha altaýy da Shıeli aýdanynan.
Olar buǵan deıin vırýs juqtyrǵan adamdarmen tyǵyz qarym-qatynasta bolǵandar qatarynda karantındik stasıonarǵa jatqyzylǵan eken.
«Qazir jaǵdaılary qanaǵattanarlyq. Naýqastar oqshaý orynda tıisti emderin qabyldap jatyr» delingen ákimdiktiń Feısbýk áleýmettik jelisindegi resmı paraqshasynda
Jalpy búginge deıin oblysta 37 adamnan vırýs tabylyp otyr. Qyzylorda qalasynda 6, Jańaqorǵan aýdanynda 16, Qarmaqshyda 4, Shıelide 11 jaǵdaı anyqtalǵan.