Búgin oblys ákiminiń orynbasary Naýryzbaı Baıqadamov óńirde koronavırýs ınfeksııasynyń taralýyn tejeý baǵytynda atqarylyp jatqan jumystar jaıly onlaın brıfıng ótkizdi.
Dál qazir oblysta indetke shaldyqqan 37 adam tirkelip tur. Olarǵa hattamaǵa sáıkes em taǵaıyndalyp, naýqastarmen jaqyn qarym-qatynasta bolǵan 254 adam karantınge jatqyzyldy.
– Qaterli indettiń órshýine bizdiń qamsyzdyǵymyz da az «úles» qosyp jatqan joq, – dedi oblys ákiminiń orynbasary. – Mysaly, boıynda vırýsy bar bir adamnyń kesirinen jıyrmadan astam turǵyn ınfeksııa juqtyrǵan. Osyǵan deıin tótenshe jaǵdaı talabyn buzǵan 171 fakti anyqtalyp, 46 adamǵa ákimshilik aıyppul salynsa, 52-si qamaýǵa alyndy. Osyndaı almaǵaıyp kezde óziniń, jaqyndarynyń amandyǵyn oılamaǵan jandarǵa alda da zań aıasynda qatań shara qoldanylady.
Qazir oblys aýmaǵynda 35 tosqaýyl beket jumys istep tur. Tótenshe jaǵdaı shtaby janynan qurylǵan koll-ortalyqqa 1 sáýirden beri 9072 qońyraý túsken.