Qyzylorda oblysynda COVID-19 ınfeksııasyn juqtyrýdyń taǵy 13 jaǵdaıy tirkeldi. Naýqastardyń barlyǵy Shıeli aýdanynan anyqtalyp otyr. Bul týraly oblys ákimdigi áleýmettik jelilerdegi resmı paraqshalarynda habarlady.
Bulardyń barlyǵy osyǵan deıin vırýs juqtyrǵan adamdarmen tyǵyz qarym-qatynasta bolǵandar. Qazir naýqastar aýrýhananyń juqpaly aýrýlar bólimine em alýǵa aýystyryldy. Dárigerlerdiń aıtýynsha jaǵdaılary turaqty.
Osymen oblysta boıynan koronavırýstyq ınfeksııa tabylǵandar sany 50 adamǵa jetti. Olardyń altaýy Qyzylorda qalasynan, 16-sy Jańaqorǵan, tórteýi Qarmaqshy, al 24-i Shıeli aýdanynan.