Túrkistan oblysy boıynsha tótenshe jaǵdaı kezeńinde qaıta kýálandyrýdan ótýi tıis 1878 azamattyń múgedektik anyqtamasynyń merzimi ortalyqtandyrylǵan baza boıynsha uzartyldy. Demek, járdemaqylary tótenshe jaǵdaı rejımi aıaqtalǵan kúndi qosa alǵanǵa deıin tólenedi.
Bul tótenshe jaǵdaı kezeńinde qolǵa alynyp otyrǵan saqtyq sharasy ári úkimet tarapynan múmkindigi shekteýli jandarǵa kórsetilip otyrǵan qamqorlyq. Sondaı-aq azamattar múgedektikke shyǵý ótinishterin tótenshe jaǵdaı kezeńinde úıden shyqpaı Egov.kz veb-portalyndaǵy «Elektrondyq ótinish» servısi arqyly joldaı alady. Tıisti qujattary ınternet resýrsy arqyly joldanǵan soń, medısınalyq-áleýmettik saraptama júrgizý mamandary 2 kún ishinde ótinish tastaǵan azamattarǵa jaýap berip, múgedektik taǵaıyndalǵandyǵy týraly habarlaıdy. Habarlama baılanys nómirlerine de keledi. Al, múgedektik týraly anyqtamalarynyń túpnusqasyn tótenshe jaǵdaı aıaqtalǵan soń medısınalyq-əleýmettik saraptama komısııasynan alyp kete alady.
Kýálandyrylatyn adam múgedektik belgilengen kúnnen bastap alty aı ishinde baqylanyp, oǵan bir jyldan aspaıtyn merzimge syrttaı múgedektik taǵaıyndalady. Qazir osyndaı syrttaı kýálandyrýdan 4 azamat ótken.
Túrkistan oblysy