Túrkistan oblysy boıynsha bıyl qarjylandyrýdyń barlyq kózderi arqyly 670 myń sharshy metr, ıaǵnı 6 myńǵa jýyq páterdi paıdalanýǵa berý josparlanýda.
Oǵan alǵysharttar da joq emes. Máselen, bıylǵy qańtar-naýryz aıynyń qorytyndysymen 111,2 myń sharshy metr turǵyn úı (783 páter) paıdalanýǵa berilgen. Sonymen qatar, biryńǵaı turǵyn úı saıasatyn iske asyrý boıynsha bıyl oblysta 30 nysannyń qurylysy júrgizilýde. Jyl qorytyndysymen 28 nysan paıdalanýǵa beriledi. Al, oblys ortalyǵy Túrkistan qalasynda memlekettik bıýdjet esebinen kredıttik 88 turǵyn úı salynýda, jyl sońynda onyń 24-i el ıgiligine tapsyrylady. Budan bólek, jeke salymshylar tarapynan 37 turǵyn úıdiń qurylys jumystary júrgizilýde, jyl sońyna deıin 31 úıdi paıdalanýǵa berý kózdelgen. Jalpy oblys ortalyǵynda bıyl 2592 páter paıdalanýǵa beriledi.
Aıta ketelik, oblys kólemindegi qurylys nysandarynda saqtyq sharalary oblys ákimdigi tarapynan kúndelikti baqylaýǵa alynǵan. Túrkistan qalasynda qurylysy toqtaǵan nysandar joq.
Túrkistan oblysy