1 mıllıonnan astam qazaqstandyq nesıe tóleý boıynsha negizgi borysh pen syıaqy tóleý merzimin keıinge qaldyrýdy surap, bankterge ótinish bergen. Bul týraly Qazaqstan qarjygerleri qaýymdastyǵy keńesiniń tóraǵasy Elena Bahmýtova málim etti.
– 9 sáýirdegi jaǵdaı boıynsha 1 mln 137 myńǵa jýyq adamnyń ótinishi qanaǵattandyryldy. Jeke tulǵalar boıynsha 983 myń 123 ótinishti keıinge qaldyrý boıynsha sheshim qabyldandy. Nesıeni tóleý merzimin keıinge shegerý boıynsha ótinishter áli de qabyldanýda. Bank ótinishti 10 kún ishinde qaraıdy. Eger áleýmettik jaǵynan az qamtylǵan adam ótinish berse, ol boıynsha tez arada sheshim qabyldanady. Mundaı jaǵdaıda 10 kún kútýdiń qajeti joq. Bankter bul prosesti onlaın rejımde de júrgizip jatyr, – dedi ol.