Kongo Demokratııalyq Respýblıkasy aýmaǵynda Ebola vırýsyn juqtyrǵandardyń sany 282 adamǵa jetti, dep habarlaıdy Egemen.kz.
Málimetterge sáıkes, aýrý eń kóp taralǵan óńir – Itýrı provınsııasy bolyp otyr. Munda 264 juqtyrý deregi tirkelgen. Sondaı-aq Soltústik Kıvý provınsııasynda – 15, Ońtústik Kıvý óńirinde – 3 jaǵdaı rastalǵan.
Sońǵy málimet boıynsha, indetten 42 adam kóz jumǵan. Alaıda DDU adam ólimi faktisiniń budan da kóp ekendigin aıtyp dabyl qaǵyp otyr. Qazirgi ýaqytta 238 naýqas em qabyldap jatyr. Taǵy eki adam dertten aıyǵyp shyqqan.
Eske salaıyq, Kongo bıligi Ebola indetiniń órshýi týraly aqparatty alǵash 15 mamyrda jarııalaǵan bolatyn. Aýrý kórshiles Ýgandaǵa da taraǵan. Bul elde 9 adamnan vırýs anyqtalyp, 1 adam qaıtys bolǵan.
Osyǵan baılanysty Dúnıejúzilik densaýlyq saqtaý uıymy Afrıkada tótenshe jaǵdaı rejımin engizdi.