Túrkistan oblysynda koronavırýs indetin juqtyrǵan taǵy 7 adam tirkeldi. Sońǵy málimetter boıynsha óńirde koronavırýs ınfeksııasyn juqtyrǵan azamattar sany – 43-ke jetti.
Indet juqtyrǵandardyń altaýy bir otbasynyń músheleri, ıaǵnı Arys qalasy, Naýryz aýylynyń 1965 j. 1987 j., 1989 j., 1998 j., 2004 j., 2010 jyly týǵan turǵyndary. Sondaı-aq Báıdibek aýdany, Bógen aýyldyq okrýgi, Myńbulaq aýylynyń 1987 jyly týǵan turǵyny COVID-19 vırýsyn juqtyrǵan azamatpen jaqyn baılanysta bolǵan. Vırýs juqtyrǵandar qazirgi ýaqytta oqshaýlanyp, tıisti em qabyldaýda. Olarmen baılanysta bolǵandardy anyqtap, oqshaýlaý jumystary júrgizilýde.
Jalpy oblys boıynsha Jetisaı aýdanynda – 14 adam tirkelgen, onyń ishinde 64 jastaǵy azamat 4 sáýir kúni qaıtys boldy. Sondaı-aq, Arys qalasynda - 14, Kentaýda - 5, Ordabasy - 2, Saıram - 2, Maqtaral - 4, Saryaǵash – 1, Báıdibek aýdanynda 1 turǵyn indetke shaldyqqan.
Túrkistan oblysy