Aqtaý qalasyndaǵy Nazarbaev Zııatkerlik mektebiniń oqýshylarynyń ata-analary «Meniń ómirimde qoldanylatyn maqal-mátelder» avtorlyq jobasyna belsendi qatysýda. Otbasynda ata-analar men balalar maqal-mátel aıtý arqyly qazaqtyń naqyl sózderin urpaq sanasyna sińirýde. Bul týraly atalǵan mekteptiń baspasóz qyzmeti habaraldy.
- Qazirgi tańda ósip kele jatqan jas urpaqqa maqaldyń mańyzyn túsindirýden buryn kitap oqytýdyń ózi qıyn ekeni ras. Sol sebepti de biz jobany qyzyqty ótkizý úshin ata-analardyń kómegine júginýdi uıǵardyq. «Nazarbaev Zııatkerlik mektepteri» DBBU bıylǵy oqý jylynda bastaǵan jobasy kıeli Mańǵystaý óńiriniń otbasylarynda qoldaý tapty, - deıdi bilim ordasynyń aǵa pedagog-kýratory Lıazzat Baırǵalıeva.
Onyń sózinshe, otbasy músheleri ózara jarysyp qana qoımaı, jobany synyptar arasyndaǵy chellendjge aınaldyrypty. Júrekke jyly tıetin beınematerıaldar daıyndap, halyq danalyǵyn zamanaýı úlgide kórsetýge de atsalysyp jatqan kórinedi.
Mańǵystaý oblysy