Biz qandaı qıyn kezeńde de qınalǵanǵa qol úshin soza bilgen, súringendi demegen, jylaǵandy jubatqan halyqtyń ókilimiz. Elge, erge de úlken syn bolyp COVID-19-dyń bet qaratpas dúleı daýyly soǵyp turǵan sátte de ata-babalaramyzdan aýysqan osy qasıetimiz búgingi qoǵam múshelerine de sińisti bolǵanyna kózimiz jetip otyr. Osy oraıda tótenshe jaǵdaı kezinde halyqtyń osal toptaryn qoldaý memlekettiń basty mindeti dep málimdegen respýblıka Prezıdenti Qasym-Jomart Toqaevtyń málimdemesi el-jurtty bir selkitip tastady.
Bul baǵytta Aqtóbe oblysynda kómekke muqtaj halyqtyń osal toptaryn áleýmettik turǵydan qoldaý jóninde keshendi is-sharalar jospary jasalyp oıdaǵydaı iske asyp keledi. Osy oraıda óńir turǵyndarynyń on bes sanaty boıynsha júz myńǵa jýyq adamǵa 1 mıllıard 500 mıllıon teńgeden astam áleýmettik kómekter kórsetilip jatqanyn aıtqanymyz jón.
Sóz joq, bul atap aıtýǵa turarlyq soma. Memlekettiń basty baılyǵy adamdar desek, tótenshe jaǵdaı tusynda olardyń muqtaj toptaryna jergilikti atqarýshy bılik tarapynan jan-jaqty qoldaý kórsetilýi eldiktiń belgisi. Osy bir kúnderde Aqtóbe aımaǵynda ataýly áleýmettik kómek alatyn otbasylardyń jáı-kúıi de taǵy bir sarapqa salynyp, olardyń eń muqtajdaryna qarjylaı qoldaý sharalary alynǵan.
Sonymen birge Aqtóbe oblysynyń ákimi Ońdasyn Orazalın gazet tilshisine oblystyq bıýdjetten óńir turǵyndarynyń segiz sanaty boıynsha 45 myńǵa jýyq adamǵa 900 mıllıon teńgege jýyq qarajat bólingenin aıtyp berdi. Sóıtip bir jolǵy kómek bir adamǵa shaqqanda jıyrma myń teńgeden keledi. Qazirgi karantın kezinde barlyq qyzmet kórsetý mekemeleri, sonyń ishinde áleýmettik tólemder tóleý ortalyqtyń esigi jabýly turǵany belgili. Mundaı jaǵdaıda turǵyndar ózderine taǵaıyndalǵan bir jolǵy áleýmettik kómekti alý úshin ábigerge túsip júrmeı me?
- Joq, olaı bolmaıdy. Jergilikti jerden belgilengen materıaldyq kómekti alý úshin qosymsha qujat tapsyrýdyń nemese jınaq bankiler kassalaryna aıaqtaı júrip barýdyń qajeti joq. О́ıtkeni áleýmettik kómek alýshylardyń derekteri men tizimi aqparattyq júıe arqyly buǵan deıin jasaqtalyp qoıylǵan. Atalǵan qarajat osylaısha ony alýǵa tıisti adamdardyń esepshottaryna aýdarylady, - dedi saýaby mol istiń mán-jaıyna qatysty Aqtóbe oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Bul-Bul Eleýsinova.
Sondaı-aq óńirde memleket tarapynan taǵaıyndalǵan 42 500 teńge mólsherindegi áleýmettik tólem men Nur Otan partııasy belgilegen elý myń teńge kólemindegi bir jaqty kómek tólemderin aýdarý máselelerine qatysty keń aýqymdy túsinik jumystary júrgizildi. Atalǵan máselede móldirlik, ádildik pen ashyqtyq qaǵıdattary alǵa shyǵyp ony alýǵa tirkelgen ıakı tirkelmeı qalǵan azamattar arasynda orynsyz ókpe renish pen túsinbestik týyndamaý úshin barlyq qajetti jaǵdaılar jasaldy.
Respýblıka Prezıdenti Qasym-Jomart Toqaev «Biz birgemiz» aksııasyn jarııalap barsha qazaqstandyq qoǵam múshelerin osynaý kúrdeli kezeńde bir-birine qoldaý kórsetip, kómegin tıgizýge shaqyrǵany belgili. Igi bastamany Aqtóbe aımaǵynyń turǵyndary óńir kásipkerleri men mesenattar, ózge de el-jurtqa janashyr tulǵalar qyzý qoldaı bilgeni de bir mereı. Ásirese olar áleýmettik osal toptaǵy turǵyndarǵa qaıyrymdylyq kómek kórsetýdi basty paryzy dep sanaı bilgenderi rızashylyq sezimin týǵyzady.
SOVID-19 indetimen kúreste óńir dárigerleri men ózge de medısına qyzmetkerleri jaýapty da, qaýip-qateri mol istiń bel ortasynda keledi. Olar koronavırýs ınfeksııasyn ózderi de juqtyryp alýy ábden múmkin ekendigine qaramastan adamdarǵa arasha túsýdiń janqııarlyq úlgisin kórsetýde. Mine, osyndaı aq halatty abzal jandarǵa óńirdegi dáýletti azamattar men áleýeti mol kásiporyn jetekshileri tarapynan zattaı jáne qarjylaı túrinde kómekter kórsetilip keledi. Shapaǵaty mol istiń basynda «AKTEP» JShS pen KazHrom AQ-nyń nar tulǵaly basshylary Nurlan Saǵynalın men Arman Esenjolovtar bolǵany da atap aıtýǵa turarlyq.
Buǵan qosarymyz Aqtóbe aımaǵynda atqarýshy organdar tarapynan elimizde tótenshe jaǵdaı engizilgennen beri turmysy tómen kópbalaly otbasylarǵa jáne múgedek jandar men zeınetkerlerge azyq-túlik paketi men gıgıenalyq quraldar jáne medısınalyq bet-perdeler men aqshalaı kómekter kórsetilip júrgendigi. Mine, osylaısha qazirgi kúni de óńirde halyqtyń osal toptaryn áleýmettik turǵydan qoldaý sharalady odan ári jalǵasyp keledi.
AQTО́BE