Jergilikti Memlekettik arhıvtiń derekterinshe, Ekinshi Dúnıejúzilik soǵysqa óńirimizden 46 myńnan astam adam attanǵan. Soǵysqa attanǵandardyń qataryndaǵy 10 myńnan astamy qaza bolsa, taǵy sondaı 10 myńǵa jýyq adam habar-osharsyz ketken.
Bulardan bólek, 2 myńdaı sarbaz áskerı gospıtalderde kóz jumdy. Jergilikti arhıv basshysynyń orynbasary Hanshaıym Maqajanovanyń aıýtynsha, 31 pavlodarlyq Keńes Odaǵynyń Batyry atansa, 8 jaýynger III dárejeli «Dańq» ordeniniń ıegeri atanǵan.
Al, soǵys kezinde áskerge shaqyrylǵandar jóninde málimetterdiń kóbi elimizdiń Qorǵanys mınıstrligine qarasty jergilikti qorǵanys departamentterinde, arhıvterde saqtaýly.
Sondaı-aq Reseı Qorǵanys mınıstrliginiń Podolskidegi Ortalyq arhıvine suraý salýǵa bolady.
Búginde ınternet júıesinde bul arhıvtiń úsh jobasy jumys isteıdi. Birinshisi, qaza bolǵan jáne habarsyz ketkender jaıly jalpylaı jınaqtalǵan «Memorıal» málimetter banki.
Ekinshisi – soǵystan aman-esen oralǵandar men qaza bolǵandar jaıly «Podvıg naroda v Velıkoı Otechestvennoı voıne 1941-1945 gg.» atty qujattardyń elektrondyq banki.
Úshinshisi - «Pamıat naroda» portaly.
Jergilikti arhıv qyzmetkerleri Reseı Qorǵanys mınıstrliginiń Ortalyq arhıvinde osy baǵytta jumys júrgizgen.
Nátıjesinde, soǵysta qaza tapqan 116 jerlesimizdiń eseptik-tirkeý kartochkalaryn tabylady.
Oblys arhıviniń qory birqatar qundy derektermen, qujattarmen tolyqty.
Mysaly, Keńes Odaǵynyń Batyrylary Q.Qamzın, K.Semenchenko, I.Sklıarovtar jaıly, Dańq ordeni ıegerleriniń marapattalý qaǵazdary, áskerı bólimderdiń osy joǵary marapatqa usyný jónindegi buıryqtary anyqtaldy
Sonymen qatar sońǵy jyldary soǵysta habarsyz ketkenderdi izdestirý jasaqtary júıeli jumys júrgizýde.
Pavlodar oblysy