Karantın jaǵdaıynda ál-Farabı atyndaǵy Qazaq Ulttyq ýnıversıtetiniń bıotehnologııa kafedrasynyń oqytýshylary qashyqtyqtan bilim berý tehnologııalary men strımıngtik oqytýdy belsendi qoldanýda. Olar óz tájirıbesimen Qazaqstannyń basqa joǵary oqý oryndaryndaǵy áriptesterimen bólisip otyr.
Kafedra meńgerýshisi Aıda Qystaýbaevanyń pikirinshe, ýnıversıtettegi IT ınfraqurylymy, «Univer» júıesi, sondaı-aq «Moodle», «edX» MOOS platformalary qashyqtyqtan oqytýǵa kedergisiz ári jedel ótýge múmkindik bergen. Oqytýshylar qysqa ýaqyt ishinde dárister kontentin, semınarlyq jáne zerthanalyq sabaqtardy qashyqtyqtan ótetin formatqa beıimdep, ózderiniń joǵary IT quzyrettiligin kórsete bildi. Sabaq qazaq, aǵylshyn jáne orys tilderinde ótedi. Keste ózgerissiz qaldy.
Oqý úderisi «Zoom», «Microsoftteams», «Googlemeet» sııaqty basqa da ártúrli platformalardyń kómegimen júzege asyrylýda. Sonymen qatar, bıotehnologııa kafedrasynyń oqytýshylary tek strımıng júıesinde ǵana emes, sonymen qatar chat sabaqtary, bilim berý oıyndary, «Kahoot» qosymshasyndaǵy dıalogtyq trenajerler, anımasııalyq ınfografıkany qoldanatyn ınteraktıvti sabaqtar ótkizedi.
Búgingi kúni buqaralyq ashyq onlaın kýrstarǵa degen suranys artty. «Bıotehnologııa negizderi» onlaın kýrstarynan 239 tyńdaýshy oqýdan ótti. A. Qystaýbaeva habarlaǵanyndaı, jaqyn arada «edX» platformasyna mıkrobıologııa, bıohımııa jáneekologııalyq bıotehnologııa boıynsha aldaǵy oqý jylyna arnalǵan birqatar beınesabaqtardy jazý josparlanýda. Osy beıne-sabaqtarǵa arnalǵan kontentti oqytýshylar ázirlep jatyr. Qazirgi tańda bıologııa jáne bıotehnologııa fakýltetinde molekýlalyq bıologııa, bıofızıka jáne zoologııa boıynsha «Coursera» jáne «edX» platformalaryna arnalǵan dárister jazylýda.
ALMATY