Qazaqstanda tótenshe jaǵdaıǵa baılanysty HQO jumysy ýaqytsha toqtatylǵaly beri 10 myńnan astam áıel júktilik pen bosanýyna baılanysty tabysynan aıyrylý tólemin, 20 myń otbasy balanyń týylýyna jáne onyń bir jasqa deıingi kútimine beriletin járdemaqyny onlaın rásimdegen.
«Azamattarǵa arnalǵan úkimet» memlekettik korporasııasy buryn tek HQO arqyly kórsetilgen qyzmetter, onyń ishinde júktilikke baılanysty járdemaqy boıynsha ótinishterdi portaldaǵy «Elektrondy ótinishter» servısi arqyly qabyldaý múmkindigin jasady.
Dekret demalysyna shyqqan júkti áıelder egov.kz portalynda avtorızasııadan ótip, «Elektrondy ótinishter» servısin tańdap, jeke qujaty men jumys isteý qabiletinen aıyrylý paraǵynyń skan kóshirmesin jáne tólem aýdarylýy tıis bank shotyn qosa joldaýy tıis.
Endi ǵana balaly bolǵan otbasylar úshin egov.kz portalynyń «Otbasy» – «Bala» bóliminde balanyń týylýyna jáne onyń kútimine baılanysty járdemaqylardy rásimdeý múmkindigi bar.
Aıta keteıik, portaldy paıdalaný úshin ESQ bolýy shart. Elektrondy sıfrlyq qoltańbany búginde portalda qashyqtan rásimdeýge bolady.
Sondaı-aq Mobıldi azamattar bazasynda tirkeýi bar jas analar proaktıv qyzmetin paıdalana alady. Ol arqyly balanyń týýyn tirkep, tıisti járdemaqyny rásimdep, sábıdi balabaqsha kezegine qoıýǵa bolady