Reseıdiń Shaıba.kz saıty YouTube arnasynan Qurlyqtyq hokkeı lıgasy (QHL) tarıhyndaǵy kórermenderdiń eń kóp tamashalaǵan kórnisterdiń tizimin jarııalady.
Aıtýly reıtıngte Damır Rysbaev pen Evgenıı Artıýhın arasyndaǵy aıqas úshinshi orynda tur. Bul – 2015 jyldyń qarashasynda Sankt-Peterbýrg qalasynda jergilikti SKA men Nur-Sultannyń «Barys» klýbtary arasyndaǵy báseke barysynda oryn alǵan oqıǵa. Sol kezde boıy 197 santımetr, salmaǵy 120 kılolyq 32 jastaǵy eńgezerdeı reseılik hokkeıshimen qazaqtyń qaısar uly jekpe-jekke shyqty. 19 jastaǵy Damırdyń boıy – 182 santımetr, salmaǵy – 90 kılo. Qarsylasy álde qaıda eńseli bolǵanyna qaramastan Rysbaev odan esh qaımyqpady. Qos dúleı bir-birin ala almaıtynyna anyq kóz jetkizgennen soń tóreshiler tóbelesti toqtatty. Rysbaev pen Artıýhın arasyndaǵy jekpe-jekti 3 mıllıon 200 myń adam tamashalaǵan eken.
Al bul reıtıngte Pavel Dasıýk (3,5 mıllıona) pen Nıkıta Gýsevtyń (6,1 mıllıona) býllıt soqqan sátteri kósh bastap tur.
Al QHL-daǵy tek qana tóbelesterdi esepke alsaq, odan Damır Rysbaevtyń aldyn oraıtyn eshkim joq. Aıtýly lıgada nebary 25 kezdesý ótkizgen qandasymyz muz aıdynynda nebary 42 mınýt 2 sekýnd qana óner kórsetken eken. Esesine onyń aıyp ýaqyty 194 mınýtty quraıdy.