Túrkistan oblysynda sońǵy málimet boıynsha koronavırýs indetin juqtyrǵandardyń Reseıden oralǵany málim boldy. Jalpy óńirde ınfeksııa juqtyrǵandar sany – 57-ge jetti.
Indet juqtyrǵan Saryaǵash qalasynyń 1974 jyly týǵan turǵyny júk kóliginiń júrgizýshisi bolyp jumys isteıdi. Ol 16 sáýir kúni jumys babymen Reseıden kelgen. Jaqyn baılanysta bolǵan 7 adam jáne otbasynyń eki múshesi baqylaýǵa alyndy. Sondaı-aq, Saryaǵash aýdany, Jartytóbe aýyldyq okrýgi, Yntymaq aýylynyń 1994 jylǵy turǵyny da 15 sáýirde Reseıden oralǵan. Ol da alysqa qatynaıtyn júk kóliginiń júrgizýshisi.
Vırýs juqtyrǵandar qazirgi ýaqytta oqshaýlanyp, tıisti em qabyldaýda. Olarmen baılanysta bolǵandardy anyqtap, oqshaýlaý jumystary júrgizilýde.