Ǵylymı zertteýdi qashyqtan uıymdastyrýdyń joldary qandaı? Bul oraıda týyndaǵan nendeı máseleler bar? Álemdik tájirıbe ne deıdi? Qazaq ulttyq qyzdar pedagogıkalyq ýnıversıtetinde osy jáne ózge de saýaldarǵa jaýap izdegen halyqaralyq semınar ótti, dep habarlaıdy oqý ornynyń baspasóz qyzmetiniń basshysy Jandar Asan.
– Qazaqstannyń jas pedagog-ǵalymdary Qaýymdastyǵy uıymdastyrǵan onlaın formattaǵy basqosýǵa Bilim jáne ǵylym mınıstrliginiń janynan qurylǵan Jas ǵalymdar Keńesiniń músheleri, Qazaqstan Respýblıkasy Tuńǵysh Prezıdenti – Elbasy Qorynyń ókilderi, «Bolashaq»baǵdarlamasynyń túlekteri, otandyq jáne sheteldik joǵary oqý oryndarynyń bilim alýshylary men qyzmetkerleri qatysty, – dedi Baspasóz qyzmetiniń jetekshisi.
Jas ǵalymdardyń bilim men ǵylymdaǵy ıntegrasııalyq úderisterdi talqylaý jıynyndaQyzdar ýnıversıtetiniń rektory Gaýhar Aldambergenova sóz sóılep, basqosý ǵylym men bilimniń kókjıegin keńeıte túsýge ózindik yqpalyn tıgizetinin atap ótti.
– Elbasymyz pedagogıkalyq bilim berý salasy aldynda Qazaqstannyń álemdik básekege qabiletti jas urpaǵyn tárbıeleý úshin erekshe belsendi, oıy ushqyr, tanymy keń jáne azamattyq ustanymy joǵary pedagogtar daıyndaý mindetin qoıdy. Osy mańyzdy maqsatty negizge ala otyryp, Qazaqstan jas pedagog-ǵalymdary Qaýymdastyǵyn qurýtýraly bastamany qolǵa alǵan bolatynbyz. Qaýymdastyq elimizdegi muǵalim mamandaryn daıyndaıtyn joǵary oqý oryndarymen birlesip bilim berý men ǵylym salasyndaǵy túrli bastamalardy múmkindiginshe iske asyrýǵa atsalysyp keledi. Qazaqstandy álemdik arenadaǵy iri memleketke aınaldyrý jas ǵalymdardyń enshisine júktelgen mindet. Sanasy joǵary, zamanaýı tehnologııalardy meńgergen jastardyń ǵylymǵa berer múmkindikteri mol ekenine senimdimin, – dedi ýnıversıtet basshysy.
Sonymen qatar ol Qaýymdastyqtyń negizgi mindetine toqtalyp ótti.
– Uıymnyń basty maqsaty – jas ǵalymdardyń dıalog alańyn uıymdastyrý, ǵylym men bilimdi ushtastyra otyryp, jastardyń ǵylymı ıdeıalarynyń óndiriske enýine yqpal jasaý. Sebebi olardyń ǵylym jolyndaǵy ashqan jańalyqtary elimizdiń damýyna septigin tıgizedi dep oılaımyn. Ǵylymı áleýetti arttyrý qazaqstandyq joǵary oqý oryndarynyń basty múddesiniń biri. Bul turǵyda Qyzdar ýnıversıteti sapaly bilim berýmen qatar, irgeli ǵylymdy damytýǵa da úlken úles qosyp kele jatyr. Sonyń bir aıǵaǵy búgingi jıyn dep aıta alamyn. Semınar jumysyna sáttilik tileımin, – dep atap ótti Gaýhar Aldambergenova.
Eki saǵatqa sozylǵan jıyn barysynda«Bolashaq» ýnıversıtetiniń rektory Qýanysh Dáýrenbekov «Krızıske qarsy sharalar – bilim men ǵylym sapasynyń damý quraly», Qazaqstan jas ǵalymdar Keńesiniń tóraǵasy, Ulttyq bıotehnologııa ortalyǵynyń Adam genetıkasy zerthanasynyń meńgerýshisi Maqsat Jabaǵın «Karantın jaǵdaıyndaǵy qashyqtyq – jańa ǵylymı kollaborasııalar múmkindigi», «Bolashaq»Halyqaralyq baǵdarlamasynyń stıpendıaty, M. Lomonosov atyndaǵy Máskeý memlekettik ýnıversıtetiniń taǵylymgeri Bıbol Jaqypbaev «Dıstansıonnaıa vzaımosvıaz naýchno-obrazovatelnogo ı ıssledovatelskogo prosessov v ýslovııah samoızolıasıı» jáne Túrkııanyń Ankara ýnıversıtetiniń postdoktoranty Elmıra Ýaıdýllaqyzy «Túrkııanyń bilim berý júıesindegi qashyqtan oqytýdyń mańyzy men róli»taqyryptarynda oılaryn ortaǵa salyp, ózara pikir almasty.
– Semınar barysynda qashyqtan oqytý tehnologııasyn qoldanýdaǵy qazaqstandyq tájirıbe ǵana emes, sondaı-aq Reseı jáne Túrkııanyń bilim berý júıesindegi jańashyldyqtar da aıtyldy. Bul –ǵylym jolyndaǵy jastardyń keń turǵyda oılanyp, jan-jaqty zertteý júrgizýge jáne taldaý jasaýǵa daıyn ekendigin kórsetti. Bul jaqsy nátıje dep sanaımyz, – deıdi semınar qatysýshylary.
Jıyn aıasynda Bilim jáne ǵylym mınıstrligine qarasty Bolon prosesi jáne akademııalyq utqyrlyq ortalyǵynyń dırektory Almagúl Qultýmanova birneshe usynys bildirdi. Olardyń qatarynda qashyqtan oqytýǵa baılanysty oqý-ádistemelik nusqaýlyqty qolǵa alý, bitirýshilerdiń dıplomdyq jáne dıssertasııalyq jumystarynyń taqyryptaryn jumys berýshilermen birlese otyryp bekitý, karantın jaǵdaıyna baılanysty dıplomdyq jáne magıstrlik jumystardy TEDx formatynda qorǵaý syndy máseleler bar.
Semınar barysynda qatysýshylar spıkerlerge taqyrypqa oraı suraqtar qoıyp, ózindik pikirlerin bildirýge múmkindik aldy. Jıyn sońynda arnaıy qarar qabyldandy.