Kesheden beri áleýmettik jelide Almaty oblysynyń Qarasaı aýdanyna qarasty Eltaı aýyldyq okrýgi turǵyndarynyń narazylyq aksııasyna shyqqany jaıly aqparat tarap jatyr. Turǵyndar Bereke aýylyndaǵy dárigerlik ambýlatorııanyń aldyna jınalǵan.
Beligdi bolǵandaı, aýyl turǵyndary jergilikti jerdegi medısınalyq mekemeniń koronavırýs ınfeksııasymen aýyrǵan azamattarmen qarym-qatynasta bolǵandardy oqshaýlaý úshin qoldanylatyn observasııalyq stasıonar retinde paıdalanylýyna óz narazylyqtaryn bildirdi. Al ambýlatorııanyń ishinde pasıentter bolmaǵan, ıaǵnı, bos turǵan. Oqıǵaǵa oraı Almaty oblysy ákimdiginiń baspasóz qyzmeti túsinik berdi.
- О́kinishke qaraı, turǵyndar arasynan buzaqylar shyǵyp, ǵımaratqa materıaldyq shyǵyn keltirgen. Ǵımarattyń esik-terezelerin buzyp, ondaǵy 30 tósek pen matrasty syrtqa laqtyrǵan. Jınalǵandardyń ishinde jekelegen adamdar alkogoldik ishimdik iship, mas kúıinde bolǵan. Oqıǵa ornyna Qarasaı aýdanynyń ákimi Jandarbek Dalabaev jınalǵan turǵyndarmen sóılesýge kelip, túsindirýge tyrysqanymen aýyl turǵyndary ákimniń sózine qaǵattanbaı, observasııalyq stasıonardy jabýdy talap etken. Munan soń mas kúıindegi azamattar Qarasaı aýdandyq polsııa bólimine jetkizilgen. Osy oqıǵa boıynsha Qarasaı aýdandyq polısııasy Qylmystyq kodekstiń 202-babynyń 1-bóligine sáıkes, ıaǵnı bógdeniń múlkine qasaqana zııan keltirý áreketi boıynsha qylmystyq is qozǵaldy. Tótenshe jaǵdaı kezinde zańsyz áreketti uıymdastyryp, buzaqylyqqa bastaǵany úshin kináliler qatań jazalanady, - deıdi oblys ákiminń baspasóz hatshysy Ǵalymurat Júkel.
Sondaı-aq, Almaty oblysynyń ákimdigi turǵyndardy kórineý jalǵan aqparattarǵa senbeýge, tek resmı málimetterge den qoıýǵa shaqyrady. Tekserilmegen aqparat kózderinen kórineý jalǵan aqparat taratqandar, osy tektes áreketterge jol bergender elimizdińzańnamalaryna sáıkes jaýapqa tartylatynyn da eskertýde.