Jergilikti arhıv málimetterinshe, Ekinshi dúnıejúzilik soǵys bastalǵan ýaqyttan bastap óńirdegi kolhozdar (ujymshar) men MTS jáne sovhozdardaǵy (keńshar) barlyq jumys aýyrtpalyqtary áıelder men jasóspirimder jáne qarttar atqarǵan.
Mekteptegi oqý kóktemgi egiske deıin aıaqtalyp, oqýshylar eresektermen birge tańnyń atysynan kún batqansha, egiste jer jyrtýdan bastap bıdaı masaqtaryn jınaýǵa deıingi jumystardy atqardy.
Egis sharýashylyǵynda eńbektiń zvenolyq túri «Joǵary eńbek zvenosy» uıymdastyrylǵan.
Mundaı zvenolar 1942 jyly «Otózek» kolhozynda Anna Daskova, 1943 jyly sáýir aıynda «Qyzylqoǵam» kolhozyndaǵy muǵalim Múnıra Satybaldına, Baltabaı Somjúrekovanyń bastaýymen quryldy. Oblys kólemindegi zveno sany 388 quraǵan.
Tyldaǵy halyq Ekinshi dúnıe júzilik soǵys jyldary «Barlyǵy maıdan úshin, barlyǵy Jeńis úshin» uranymen jaýyngerlerge arnalǵan kıimder maıdanǵa jibergen.
Oblys turǵyndarynan maıdandaǵy jaýyngerler 1942 jyly jalpy salmaǵy 17 myń keli bolatyn 1264 sálemdeme alǵan.
Maıdanǵa 10360 jup pıma, 4190 sholaq ton, 10709 qulaqshyndy tymaq, 1639 teri jeletkeler, on myń juptan asa teri qolǵaptar, maqta fýfaıkalar men shalbarlar jáne basqa buıymdar jiberedi.
Arhıv jáne oblystyq mýzeıde soǵys jyldary Qaıyrbek Bajeneev, Jaqııa Jańataev, Ǵabbas Ydyryshanov sııaqty kolhoz basshylary árqaısysy qorǵanys qoryna 100 myń som astam aqsha aýdarǵandary jaıly qujattar saqtaýly.
Keıin Ǵabbas Ydyryshanov basqarǵan «Sorevnovanıe» kolhozshylary qorǵanys qoryna 25 myń som, 21 myń put astyq tapsyrǵany jazylǵan.
Pavlodar oblysy