Ulybrıtanııanyń ataqty veloshabandozy Geraınt Tomas koronavırýske qarsy kúreske óz úlesin qosý maqsatynda qaıyrymdylyq aksııasyn bastady.
Ýelstiń astanasy – Kardıff qalasynda týǵan 33 jastaǵy aıtýly sportshynyń Olımpııa oıyndarynyń eki dúrkin jáne álemniń úsh dúrkin chempıony degen ataqtary bar. Sonymen qatar, Tomas 2018 jyly «Týr de Frans» kópkúndiginde bas júldeni oljalady. Osy tabystarynyń arqasynda ol Brıtanııa ımperııasynyń ordenimen marapattalyp, 2018 jyly Ulybrıtanııanyń jáne 2014 pen 2018 jyldary Ýelstiń eń úzdik sportshysy degen mártebeli ataqqa ıe boldy.
Osy sańlaq sportshy kún saıyn úıindegi velotrenajerda12 saǵattyq jattyǵýlar jasap, ǵalamtor arqyly sony kúlli álemge taratty. Geraınt Tomastyń ónerine tamsanǵan kórermender onyń esepshotyna aqsha aýdaryp otyrdy. Qazirdiń ózinde jınalǵan qarajat 300 myń fýntty qurap otyr. Sol qarjyny áıgili veloshabandoz Ulybrıtanııadaǵy Ulttyq densaýlyq saqtaý qyzmetine tabystady.