Shymkenttik medısına qyzmetkerleriniń balalaryna noýtbýktar tartý etildi. Qashyqtan oqý júıesine kóshken dárigerlerdiń balalaryna syılyqtardy «ASAA» jastar qoǵamdyq birlestiginiń eriktileri jetkizip berdi.
Qaıyrymdylyq shara koronavırýs ınfeksııasy pandemııasyna qarsy kúreste aıanbaı eńbek etip júrgen medısınalyq qyzmetkerleri men olardyń balalaryn qoldaýǵa baǵyttalǵan. Sharaǵa Áleýmettik damý qory men Nazarbaev Ýnıversıteti demeýshilik jasady. Atalǵan qor Ulttyq volonterler jelisimen birlesip, úıinde kompıýteri joq medısınalyq qyzmetkerlerdiń balalaryna kómek kórsetý maqsatynda 9 otbasyǵa noýtbýk úlestirdi.
Atalǵan otbasylar qalalyq densaýlyq saqtaý basqarmasy usynǵan málimetter negizinde áleýmettik jaǵdaıyna qaraı tańdalǵan. Olardyń arasynda medbıkeler men sanıtar, feldsherlerdiń balalary bar. Áleýmettik damý qory koronavırýs ınfeksııasymen kúreste zor úlesin qosyp júrgen medısına qyzmetkerlerine alǵysyn osylaı bildirýdi jón dep tapty.
Aıta keteıik, ıgi shara aıasynda jalpy Pavlodar, Kókshetaý, Qyzylorda, Shymkent, Temirtaý, Taldyqorǵan, Aqtóbedegi medısına qyzmetkerleriniń balalaryna 100 kompıýter satyp alynǵan.
Shymkent