Jalpaq jurt karantın talabyna moıynsynyp úılerinde otyrǵanda Sybaılas jemqorlyqqa qarsy is-qımyl agenttigi Aqmola oblysy boıynsha departamentiniń laýazymdyq tulǵalary monshaǵa túsip demalyp júr.
Krımınaldy polısııa basqarmasynyń qyzmetkerleri sáýirdiń 18-i kúni keshki saǵat segiz jarym shamasynda «Izbýshka» monsha-keshenin teksergen kezde ishinde tórt adamnyń monshaǵa túsip júrgendigin anyqtaǵan.
–Tótenshe jaǵdaı rejımin buzǵan monshanyń ıesi men Qazaqstan Respýblıkasy Sybaılas jemqorlyqqa qarsy is-qımyl agenttigi Aqmola oblysy boıynsha departamentiniń laýazymdy tulǵalary ákimshilik jaýapqa tartyldy,–dep málimdedi polısııa departamentiniń baspasóz hatshysy Gúlnar Pınchýk.
Muqym el halyqtyń amandyǵyn oılap otyrǵanda monshaǵa túskenderdiń munysy nesi eken?
Kókshetaý qalasy.