Almaty oblysynda koronavırýstan emdelip, aýrýhanadan shyqqan naýqastar qatary taǵy bir adammen tolyqty. Osymen jalpy oblys boıynsha indetten toǵyzynshy turǵyn aıyqty.
Búgin Qaskeleń qalasyndaǵy juqpaly aýrýlar aýrýhanasynan egde jastaǵy naýqas bosatyldy. 1950 jyly týǵan zeınetker Qarasaı aýdanynyń Almalybaq aýlynyń turǵyny eken. Ol 4 sáýir kúni aýyr jaǵdaıda aýrýhanaǵa jetkizilgen bolatyn. Dárigerlerdiń jiti qadaǵalaýymen emdelgen jetpis jastaǵy qart indetti jeńip shyqty. Naýqastan eki qaıtara alynǵan analız qortyndysy teris nátıje kórsetken. Degenmen, zeınetker aldaǵy 14 kún boıyna úı karantıninde bolady.