Túrkistan oblysynda indettiń taralýyna tosqaýyl qoıý maqsatynda dezınfeksııalyq jumystar kúsheıtilgen rejımde júrgizilýde. Tek oblys ortalyǵynyń ózinde búginge deıin 1 mln sharshy metrge jýyq jer, ıaǵnı 557 nysan tolyq tazalanyp, zalalsyzdandyrylǵan.
Joldar, aıaqjoldar, aıaldamalar, saýda dúkenderiniń syrtqy aımaqtarynda dezınfeksııalyq óńdeý jumystary júıeli júrgizilýde. Qala aýmaǵy 17 sektorǵa bólinip, zalalsyzdandyrý jumystarynyń kólemi men nysandary naqtylanǵan. Arnaıy ruqsaty bar 4 dezınfeksııalaý bólimi barlyq nysandarda jappaı tazartý jumystaryn atqarýda. Avtobýs aıaldamalaryn arnaıy nusqaýlyqtan ótken brıgadalar zalalsyzdandyrýda. Turǵyn úılerdiń kireberisteri men aýlalary kestege sáıkes tazalanýda.
Sondaı-aq óńirdegi aýrýhanalarda zalalsyzdandyrý ótkelderi ornatyldy. Dezınfeksııalyq dáliz qabyldaý jáne bosaný bólimderiniń kireberisterine qoıylǵan. Qyzmetkerler jáne naýqastar ǵımaratqa kirý úshin sol jerden ótedi. Jalpy, oblystaǵy medısınalyq uıymdarda COVID-19 ınfeksııasymen kúres jumystary barynsha qolǵa alynǵan.
Túrkistan oblysy