Jumyspen qamtýdyń jol kartasy sheńberinde Qazaqstanda 6,5 myń ınfraqurylymdyq joba boıynsha 255 myń jańa jumys ornyn ashý josparlanyp otyr. Jol kartasy Úkimet basshysynyń bıylǵy 27 naýryzdaǵy ókimimen bekitilgen bolatyn.
Eń kóp jumys orny Almaty qalasynda ashylady dep josparlanǵan, megapolıste 26 myń adam jumyspen qamtylýǵa tıis. Odan keıingi oryndardaǵy Túrkistan oblysynda – 21,9 myń, Almaty oblysynda 21 myń adamǵa jumys beriledi.
Qyzmetkerlerdiń keminde jartysy halyqty jumyspen qamtý ortalyqtary arqyly jumysqa alynady dep kútilýde. Jastarǵa basymdyq beriletinin aıta ketý kerek.
Jumyspen qamtýdyń jol kartasy ınfraqurylymdyq jobalaryn iske asyrý 4 negizgi baǵyt boıynsha ótedi. Olar: áleýmettik-mádenı obektilerdi kúrdeli jáne aǵymdaǵy jóndeý, rekonstrýksııalaý jáne salý (bilim berý, densaýlyq saqtaý, áleýmettik qamsyzdandyrý, mádenıet, sport, demalys jáne taǵy basqa obektiler); turǵyn úı-kommýnaldyq sharýashylyq obektilerin kúrdeli, ortasha jáne aǵymdaǵy jóndeý, rekonstrýksııalaý (sýmen jabdyqtaý, káriz, gazben, jylýmen, elektrmen jabdyqtaý júıeleri); ınjenerlik-kólik ınfraqurylymyn kúrdeli, ortasha jáne aǵymdaǵy jóndeý, rekonstrýksııalaý jáne salý (avtomobıl joldary, trotýarlar, bógetter, dambalar men kópirler, arnalar, sý sharýashylyǵy obektileri men qurylystary); eldi mekenderdi abattandyrý (aýlalardy abattandyrý, kóshelerdi, saıabaqtardy, skverlerdi jaryqtandyrý jáne kógaldandyrý, ıesiz obektilerdi buzý jáne taǵy basqalary).
Osy tórt baǵyttaǵy jumysty júzege asyrýǵa barlyǵy 1 trln teńge bıýdjet qarajaty bólindi. Onyń 37%-y, ıaǵnı 373 mlrd teńge qurylys jumystaryna, 19%-y – 182 mlrd teńge kúrdeli jóndeý jumystaryna, 31%-y 2 308 mlrd teńge aǵymdaǵy jáne ortasha jóndeý jumystaryna, 16 %-y, ıaǵnı 127 mlrd teńgesi nysandar men qurylystardy rekonstrýksııalaýǵa jumsalady.
Jospar boıynsha kúrdeli, ortasha jáne aǵymdaǵy jóndeý, rekonstrýksııalaý jumystary respýblıkalyq nemese kommýnaldyq menshiktegi obektiler boıynsha júrgiziledi. Infraqurylymdyq jobalardy irikteýdi jáne jumystardy iske asyrýdy jergilikti atqarýshy organdar eseptelgen qarjylandyrý lımıtterin jáne jumystardyń tıisti qujattamasynyń bolýyn negizge ala otyryp júzege asyrady.
Almaty oblysynda – 977 jobany, Shyǵys Qazaqstanda – 813, Jambyl oblysynda – 690, Qaraǵandy oblysynda 625 jobany iske asyrý josparlan- ǵan.