Túrkistan oblysynda turǵyn úıge muqtajdar kezeginde 37 084 azamat tirkelgen bolsa, olardyń búgingi kúnge 1 128-i turǵyn úımen qamtylǵan.
Turǵyn úıge muqtaj azamattardyń kezegine tirkelý halyqqa qyzmet kórsetý ortalyǵy arqyly júrgiziledi. Ashyqtyqty qamtamasyz etý maqsatynda, kezekke qoıýdy avtomattandyrý pılottyq jobasy Túrkistan qalasynda josparlanyp otyr. Jalpy óńirde memlekettik qyzmet kórsetýdi sıfrlyq júıege kóshirýge erekshe mán berilýde. Oblysta memlekettik qyzmet kórsetý salasynda sybaılas jemqorlyq táýekelderi basym salalaryna engizilgen pılottyq jobalar bilim, densaýlyq, jer jáne turǵyn úı salalarynda jaqsy jolǵa qoıylǵan.
Mysaly, bilim salasynda jumysqa qabyldaý sharalaryn avtomattandyrý qolǵa alynǵan. Barlyq 902 mektepte smart.nation júıesi endirilip, bos jumys oryndarǵa úmitti 2 243 adam jumysqa qabyldandy. «Sanaly Urpaq» jobasy aıasynda emtıhandar kezinde ashyqtyq pen jarııalylyq qamtamasyz etilgen. Densaýlyq saqtaý salasynda da eleýli jetistikter bar. 40 medısınalyq uıymnyń barlyǵy 100% elektrondy qujat aınalymyna ótken. 233 medısınalyq formanyń 175 elektrondy densaýlyq pasporty jasaqtalǵan, dárigerdiń qabyldaýyna aldyn-ala jazylý 100 % paıyzǵa jetkizildi. Bıyl 1 qańtardan bastap medısınalyq qujattamany qaǵazsyz, sıfrlyq túrde júrgizýge kóshý sharalary júzege asyrylýda. Qurylys salasynda sybaılas jemqorlyqtyń jolyn kesý maqsatynda memlekettik qyzmetter elektrondy túrde kórsetilýine baılanysty tutynýshy men qyzmet berýshiniń arasyndaǵy baılanys 100% joıylǵan.
Sıfrlyq júıeniń tıimdiligi men bul baǵytta atqarylar jumystar oblys ákimi О́mirzaq Shókeevtiń tóraǵalyǵymen ótken Túrkistan oblysy ákimdigi janyndaǵy Sybaılas jemqorlyqqa qarsy is-qımyl máseleleri jónindegi komıssııanyń onlaın otyrysynda aıtyldy.