Karantın kezinde memleket kásipkerlikti qoldaýǵa arnalǵan kómek sharalary qabyldaǵan bolatyn. Biraq elimizdegi lombardtar bul kezeńde arenda tólep, salyqtyq jeńildikke ilige almaı otyr eken.
Qazaqstan lombardtarynyń ulttyq qaýymdastyǵynyń» jetekshisi Ashat Iztileýovtyń aıtýynsha, tótenshe jaǵdaı kezinde taýarlardyń jekelegen sanattary, sonyń ishinde eń qajetti taýarlardyń baǵalary kóterile bastady. Osyǵan baılanysty, halyq azyq-túlik, dári-dármek satyp alý, jaldamaly turǵyn úı, kommýnaldyq tólemder jáne basqa da qajettilikter úshin qarjyǵa qysylyp, lombardtardyń kómegine júginýge asyǵady. Karantın kezinde jumysyn toqtatqan lombardtar qarjylyq turǵydan zardap shekken sektorlardyń qataryna kire almaı otyr.
̶ Lombardtar Zań boıynsha jumys isteýge daıyn, biraq zańda engizilgen barlyq ózgertýler men tolyqtyrýlar talqylaý aıasynda qabyldanýy kerek. Lombardtar bankterden nesıe alady. Qazirgi jaǵdaıǵa baılanysty lombardtardyń bank aldyndaǵy nesıe qaryzyn tóleýdi keıinge qaldyrý týraly ótinishi maquldanbaı otyr. Biz 3 aı boıy óz boryshkerlerimizge ósimpul eseptemeı otyrmyz. Arenda tólep, qaýipsizdik sharalaryn saqtaý úshin shyǵyndalamyz. Únemdeý sharalaryn qoldanýǵa múmkindik joq. Lomdardtaǵy shýba, altyndardy óz úıimizge aparyp saqtaı almaımyz. Sondyqtan lombardtyń tótenshe jaǵdaıdan japa shekken kásiptik sektorǵa jatpaǵany úshin bankter kómek kórsetpeı otyr. Biz memleketke ýaqytyly salyq tólep otyrmyz, ̶ deıdi Qazaqstan lombardtarynyń ulttyq qaýymdastyǵynyń» jetekshisi. Onyń aıtýynsha, shaǵyn uıymdar osylaı qyspaqqa alyna beretin bolsa, lombardtardyń 90% naryqtan ketýi múmkin. Aldyn-ala málimet boıynsha, bul salada 3 myńǵa jýyq adam jumys isteıdi.