Sizden kómek kútemiz!

«Eger siz osy juqpaly dertten jazylǵan bolsańyz, donor re­tin­de qan tapsyryńyz, osylaısha siz ózge bireýdiń ómirin saqtap qa­la­syz», deıdi ortalyq mamandary. О́ıtkeni koronavırýsty jeńip shyqqan adamdardyń qanynda oǵan qarsy turatyn antıdene paıda bolady, al aýrý juqtyrǵan pasıentke sol syrqattan aýyryp turǵan jannan alynǵan plazmany quıǵanda, bul naýqastyń saýyǵýyna alyp keledi. Negizinde juqpaly aýrýlardyń qaı túrin emdeýde de plazma quıý eń tıimdi tásil sanalady. Sol sebepti de jer júzinde juqpaly aýrý oshaqtary paıda bolǵan kezde plazma quıýdy qoldaný tájirıbesi taralǵan.

Búgingideı álem jurtshylyǵy indetpen kúresip jatqan kezeńde plazma quıýdy Germanııa, Fransııa, Reseı jáne ózge de birqatar el qol­da­ný­da. Qytaıda da pasıentterge aýrýdan emdelip shyqqandardyń plazmasyn quıý nátıjeli emge qol jetkizdi.

Túsindire keteıik, vırýs juq­tyr­ǵan adamda aýrý barysynda onyń qor­ǵanyshtyq júıesi (ımmýndyq júıesi) belsendi qımyldap, aýrý qoz­dyrǵyshtaryna qarsy turatyn antı­deneler jasaqtala bastaıdy. Al jazy­lyp shyqqan soń joǵarydaǵy antı­deneler qan plazmasynda saq­ta­lady. Sondyqtan ondaı plazmany aýyr naýqastardy emdeýge qoldanǵan ýaqytta naýqas boıynda belsendiligi tómen óz ımmýnıteti paıda bola bastaıdy da, ımmýndyq júıe tolyq kúshine enýine, óz antıdenelerin qa­lyp­tastyrýyna qajetti ýaqyt únem­­deledi, deıdi ortalyq maman­dary.

Qan tapsyrý úshin donorlardyń osy aýrýdan jazylyp shyqqany týraly medısınalyq anyqtamasy, COVID-19-ǵa, AITV, gepatıt V jáne S, merez aýrýyna tapsyrǵan synamasynyń teris kórsetkishi bolýy tıis. Plazmaǵa qan tapsyrǵysy keletin eriktiler saýyqqannan keıin 14 kún ótken soń shaqyrylady. Plaz­ma birden 2-3 emge jeterlikteı mól­sh­erde apparattyq tásilmen alynady, bul óte qaýipsiz ádis. Alynǵan plazma ári qaraı standarttarǵa sáıkes vırýstyq ınaktıvasııadan ótkiziledi, deıdi dárigerler.

«Sizderden kómek kútemiz, qazir­gideı kúrdeli ýaqytta sizder tap­syr­ǵan qandaǵy plazma vırýspen kú­reste sheshýshi qyzmet atqarady. Son­dyqtan adam ómirin saqtap qa­lý­ǵa asyǵyńyz», degen ortalyq qan tap­syrýǵa shaqyrady.

Eger siz COVID-19-ben aýyryp jazylyp shyqsańyz, bizge mindetti túr­de habarlasyńyz! Baılanysý úshin: Nur-Sultan qalasy, Jánibek-Kereı handar kóshesi, 10-úı, anyq­ta­ma telefony:

8 (7172) 54 33 00, ishki. 169, uıaly: 8 777 006 32 92 (Dáriger-trans­fýzıolog Kópeeva Elmıra Rashıd­qyzy).

8 (7172) 54 33 00, ishki. 192, uıaly: 8 771 375 02 10 TǴО́O (baspasóz hat­shy­­sy Sharıpova Ásemgúl Rahym­baı­qyzy).